ਚੰਡੀਗੜ੍ਹ, 15 ਅਕਤੂਬਰ:(ਹਰਬੰਸ ਸਿੰਘ)
ਚੰਡੀਗੜ੍ਹ ਤੋਂ ਸੰਸਦ ਮੈਂਬਰ ਅਤੇ ਭਾਰਤ ਸਰਕਾਰ ਦੇ ਸਾਬਕਾ ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਸ਼੍ਰੀ ਮਨੀਸ਼ ਤਿਵਾੜੀ ਨੇ ਅੱਜ ਆਪਣੇ ਸੰਸਦੀ ਵਿਕਾਸ ਫੰਡ ਵਿੱਚੋਂ ਇੱਕ ਐਂਬੂਲੈਂਸ ਸੈਕਟਰ 43, ਚੰਡੀਗੜ੍ਹ ਵਿਖੇ ਜ਼ਿਲ੍ਹਾ ਅਤੇ ਸੈਸ਼ਨ ਅਦਾਲਤਾਂ ਨੂੰ ਸਮਰਪਿਤ ਕੀਤੀ।
ਇਹ ਐਂਬੂਲੈਂਸ ਜ਼ਿਲ੍ਹਾ ਅਦਾਲਤੀ ਕੰਪਲੈਕਸ ਦੀ ਲੰਬੇ ਸਮੇਂ ਤੋਂ ਲੋੜ ਸੀ, ਜਿਸ ਬਾਰੇ ਬਾਰ ਐਸੋਸੀਏਸ਼ਨ ਵੱਲੋਂ ਤਿਵਾੜੀ ਵੱਲੋਂ ਪਿਛਲੇ ਸਮੇਂ ਦੌਰਾਨ ਕਾਨੂੰਨੀ ਭਾਈਚਾਰੇ ਨਾਲ ਗੱਲਬਾਤ ਮੌਕੇ ਜਾਣਕਾਰੀ ਦਿੱਤੀ ਗਈ ਸੀ
ਇਸ ਮੌਕੇ ਸ਼੍ਰੀ ਤਿਵਾੜੀ ਨੇ ਇਕੱਠੇ ਹੋਏ ਵਕੀਲਾਂ ਨੂੰ ਇਹ ਵੀ ਭਰੋਸਾ ਦਿੱਤਾ ਕਿ ਉਹ ਜ਼ਿਲ੍ਹਾ ਅਦਾਲਤੀ ਕੰਪਲੈਕਸ ਦੇ ਸਰਵਪੱਖੀ ਵਿਕਾਸ ਨੂੰ ਯਕੀਨੀ ਬਣਾਉਣ ਲਈ ਹਰ ਸੰਭਵ ਕੋਸ਼ਿਸ਼ ਕਰਨਗੇ।
ਜਿਸ ਦੌਰਾਨ ਸੀਨੀਅਰ ਵਕੀਲ ਸ਼੍ਰੀ ਪਵਨ ਸ਼ਰਮਾ, ਸ਼੍ਰੀ ਐਨ.ਕੇ. ਨੰਦਾ, ਸ਼੍ਰੀ ਡੀ.ਪੀ.ਐਸ. ਰੰਧਾਵਾ, ਸੀਨੀਅਰ ਡਿਪਟੀ ਮੇਅਰ ਜਸਬੀਰ ਸਿੰਘ ਬੰਟੀ, ਸ਼੍ਰੀ ਸਚਿਨ ਗਾਲਿਬ ਮਿਉਂਸਪਲ ਕੌਂਸਲਰ, ਸ਼੍ਰੀ ਏ.ਐਸ. ਗੁਜਰਾਲ, ਸ੍ਰੀ ਹਰਮੇਲ ਕੇਸਰੀ, ਸ੍ਰੀ ਮੋਹਨ ਰਾਣਾ, ਸ੍ਰੀ ਅਸ਼ੋਕ ਚੌਹਾਨ, ਪਵਨ ਸ਼ਰਮਾ ਮੈਂਬਰ ਏ.ਆਈ.ਸੀ.ਸੀ., ਭਾਗ ਸਿੰਘ ਸੁਹਾਗ ਚੇਅਰਮੈਨ ਲੀਗਲ ਸੈੱਲ, ਸਵਰਾਜ ਅਰੋੜਾ ਸਕੱਤਰ ਸੀ.ਟੀ.ਸੀ.ਸੀ., ਸ੍ਰੀ ਹਰਦੀਪ ਹੰਸ ਕਨਵੀਨਰ ਲੀਗਲ ਸੈੱਲ, ਸ੍ਰੀ ਨਰੇਸ਼ ਕੁਮਾਰ ਆਦਿ ਵੀ ਹਾਜ਼ਰ ਸਨ।
